SUBVENCIÓNS PARA O FOMENTO DO EMPRENDEMENTO NA ECONOMÍA SOCIAL
Este programa Aprol-Economía Social ten como finalidade favorecer a incorporación de persoas desempregadas e traballadoras ás cooperativas e sociedades laborais. Por cada persoa que se incorpore con carácter indefinido, a xornada completa, a subvención ascenderá con carácter xeral a 6.000 euros . Ata un máximo de 67.500 € por beneficiario.
GALICIA EXPORTA EMPRESAS
Axudas na proxección e posicionamento das empresas galegas nos mercados internacionais. Liña Empresas Galicia Exporta : O límite máximo será de 95.000 € por beneficiario.
Liña de Organismos Galicia Exporta : O límite máximo será de 400.000 € por beneficiario.
GALICIA EXPORTA DIXITAL
Este programa busca apoiar ás empresas galegas no seu plan de internacionalización dixital , co obxectivo de facilitar a súa presenza no mercado exterior, reducindo os custos de mercadotecnia e publicidade, e así abrir novas canles comerciais. Ata o 60% dos custos subvencionables.
COMERCIALIZACIÓN DE PRODUTOS VITIVINÍCOLAS
Estas subvencións ao sector vitivinícola en Galicia de ata o 40% buscan impulsar investimentos para a elaboración e comercialización de produtos vitivinícolas
AXUDAS Á INTERNACIONALIZACIÓN
Axudas para a incorporación ou reinserción laboral de profesionais do ámbito do comercio exterior. A contía oscila entre o 80% e o 90% dos custos salariais en función do perfil da persoa contratada.