Subvencións Municipais 2025 – Concello de Cambados
O Concello de Cambados abre a convocatoria de axudas dirixidas a asociacións e entidades sen ánimo de lucro que desenvolvan actividades culturais, educativas, sociais e de lecer no termo municipal.
Obxecto
Apoiar actividades realizadas entre o 16 de novembro de 2024 e o 15 de novembro de 2025, que contribúan ao tecido asociativo e á dinamización cultural e social de Cambados.
Liñas de axuda
-
Educación (ANPAS): Actividades complementarias no ámbito educativo.
-
Cultura: Promoción da cultura popular, actos musicais, cursos, publicacións, etc.
-
Ocio e tempo libre: Actividades físicas, deportivas e de lecer.
Crédito dispoñible
-
Educación (ANPAS): 5.000 €
-
Cultura: 25.000 €
-
Ocio e tempo libre: 5.000 €
(As axudas cubrirán como máximo o 75 % do proxecto presentado).
Beneficiarios
-
Asociacións sen fins de lucro.
-
Con domicilio en Cambados e inscritas no Rexistro Municipal de Asociacións (ou que afecten directamente a colectivos locais).
Prazo e presentación
-
15 días naturais desde o día seguinte á publicación do extracto da convocatoria no BOPPO.
-
Presentación obrigatoria por sede electrónica ou polos medios previstos na Lei 39/2015.
Criterios de valoración
-
Interese do proxecto para o municipio.
-
Repercusión local, provincial, autonómica ou nacional.
-
Número de persoas beneficiarias.
-
Diversidade e continuidade das actividades.
-
Uso do galego.
-
Porcentaxe de financiamento achegado pola entidade.
Xustificación
As entidades deberán xustificar os gastos mediante facturas e memoria gráfica e económica antes do 20 de novembro de 2025.
CONVOCATORIA DE SUBVENCIÓNS MUNICIPAIS A ENTIDADES SOCIO-CULTURAIS SEN FINS DE LUCRO 2025