O Concello convoca axudas dirixidas a estudantes universitarios/as e de ciclos superiores de FP que, residindo en Vilagarcía, cursen estudos fóra do termo municipal.
Quen pode solicitalas?
-
Estudantes residentes en Vilagarcía de Arousa cun ano mínimo de antigüidade no padrón.
-
Matriculados/as en universidades ou ciclos superiores de FP (mínimo 9 meses, presencial, con polo menos 30 créditos ou 4 materias).
-
Que a renda familiar non supere os limiares establecidos segundo número de membros da unidade familiar.
Importe das axudas
-
🎓 Estudos universitarios ou similares: 425 €.
-
🛠️ Ciclos superiores de FP ou similares (incluíndo UNED): 225 €.
Prazo de solicitude
-
Do día seguinte á publicación no BOP ata o 12 de outubro de 2025 (posibilidade de prórroga).
Condicións adicionais
-
A concesión será en réxime de concorrencia competitiva, segundo a renda per cápita familiar, ata esgotar o crédito dispoñible (86.000 €).
-
Para conservar a axuda, cómpre superar polo menos o 50% das materias do curso.