A Consellería do Medio Rural publicou a convocatoria 2026 das axudas para o establecemento de persoas agricultoras mozas en Galicia (procedemento MR404A), co obxectivo de favorecer o relevo xeracional no sector agrario.
📌 Obxecto da axuda
Apoiar a primeira instalación de persoas mozas como titulares dunha explotación agraria en Galicia mediante unha prima económica.
🌱Investimentos subvencionables
As axudas non só aportan a prima pola incorporación, senón tamén apoian investimentos de modernización e mellora das explotacións agrarias asociados á instalación da persoa moza.
🧱 Tipos de investimentos que se consideran subvencionables
Segundo a orde reguladora:
-
Investimentos materiais na explotación relacionados coa modernización e mellora da produción.
-
Investimentos inmateriales que supoñan un avance técnico, mellora de competitividade ou maior eficiencia.
💰 Importe da axuda
A axuda consiste nunha prima básica de 30.000 €, que pode incrementarse en función de determinados criterios ata un máximo de:
👉 70.000 € por persoa beneficiaria
📌 Axuda básica
-
30.000 € por persoa moza que se incorpore como titular dunha explotación agraria.
📈 Incrementos posibles (ata +40 000 €)
A contía pode ampliarse en función de criterios vinculados á agricultura sustentable, condicións persoais ou características da explotación. Os incrementos son os seguintes:
-
+10.000 € se a persoa beneficiaria é muller.
-
+10.000 € se a explotación está en zonas con limitacións naturais, montaña ou Rede Natura 2000.
-
+10.000 € se a explotación está orientada á agricultura ecolóxica.
-
+10.000 € por titularidade compartida da explotación.
Total máximo posible: 70.000 € por persoa beneficiaria (30.000 € + 40.000 € de incrementos).
💡 Nota: se varias persoas se instalan xuntas na mesma explotación, algúns incrementos (zonas con limitacións, ecolóxica, titularidade compartida) repártense proporcionalmente entre elas.
O pagamento realízase en dúas fases:
-
🔹 60 % tras a concesión.
-
🔹 40 % restante unha vez xustificado o cumprimento do plan empresarial.
📊Porcentaxes de subvención sobre eses investimentos
A contía do apoio aos investimentos (MR405F) baséase nun porcentaxe dos custos elixibles dos investimentos aprobados:
Porcentaxe base
-
🟢 30 % dos gastos elixibles.
📈 Incrementos posibles (ata máximo 65 %)
A porcentaxe pode aumentar ata un máximo do 65 % se se acadan unhas condicións adicionais:
| Criterio de incremento | Porcentaxe adicional |
|---|---|
| Persoa beneficiaria é moza | +10 % |
| Investimentos en zonas con limitacións naturais/Red Natura 2000 | +10 % |
| Explotación con agricultura ecolóxica | +10 % |
| Titular da explotación é muller | +5 % |
👤 Persoas beneficiarias
Poderán ser beneficiarias as persoas que:
-
Teñan entre 18 e 40 anos (inclusive).
-
Se instalen por primeira vez como titulares dunha explotación agraria.
-
Presenten un plan empresarial viable técnica e economicamente.
-
Cumpran a condición de agricultor/a profesional.
-
Teñan capacitación ou se comprometan a adquirila.
-
Non estean dadas de alta como titulares dunha explotación con anterioridade.
📋 Requisitos principais
-
A explotación debe estar situada en Galicia.
-
Debe alcanzarse unha dimensión mínima en termos de produción estándar.
-
Manter a actividade agraria durante un mínimo de 5 anos.
-
Cumprir co plan empresarial aprobado.
-
Estar ao día nas obrigas tributarias e coa Seguridade Social.
📅 Prazo de presentación
O prazo de solicitude é de:
🗓 1 mes contado desde o día seguinte á publicación da orde no DOG
As solicitudes deberán presentarse obrigatoriamente por vía electrónica.
📞 Máis información e tramitación
En ASEC Asesores encargámonos de:
-
Estudo previo de viabilidade.
-
Elaboración do plan empresarial.
-
Tramitación completa da axuda.
-
Seguimento e xustificación.
📍 Se estás pensando en incorporarte á actividade agraria, contacta connosco e asesorarémoste sen compromiso.