A Axencia de Turismo de Galicia convoca para 2026 subvencións destinadas á mellora das infraestruturas dos establecementos turísticos de aloxamento e restauración en Galicia, co obxectivo de modernizar as instalacións, mellorar a calidade da oferta turística e impulsar a sustentabilidade do sector. Estas axudas concédense en réxime de concorrencia competitiva e están suxeitas ao réxime de axudas de minimis.
Beneficiarios
Poden solicitar a axuda:
-
Persoas físicas ou xurídicas titulares de establecementos turísticos inscritos no REAT. Establecementos de: Hoteis, Campamentos de turismo, Turismo rural, Apartamentos turísticos, Albergues turísticos e Restaurantes (Grupo I).
Requisitos principais:
-
Ser peme.
-
O establecemento debe ter mínimo 5 anos de antigüidade.
-
Estar inscrito no Registro de Empresas e Actividades Turísticas de Galicia (REAT).
Gastos subvencionables
Serán subvencionables as actuacións realizadas a partir do 1 de xaneiro de 2026.
Entre os investimentos subvencionables inclúense:
Mellora das instalacións
-
Obras de modernización e renovación das instalacións.
-
Mellora do contorno e embellecemento do establecemento.
-
Adaptación para incremento de categoría turística.
Accesibilidade
-
Eliminación de barreiras arquitectónicas.
-
Melloras nas condicións de accesibilidade.
Sustentabilidade e eficiencia
-
Melloras na climatización e eficiencia enerxética.
-
Sistemas de renovación e extracción de aire.
Calidade turística
-
Investimentos necesarios para obter certificacións de calidade (como a Q de Calidade Turística).
Equipamento
-
Equipamento mobiliario necesario para o funcionamento do establecemento.
Dixitalización
-
Sistemas de xestión e comercialización dixital.
-
Equipos tecnolóxicos (máximo 5% do orzamento do proxecto).
Seguridade e saúde
-
Adaptación dos sistemas de seguridade e saúde na prestación de servizos.
Tamén son subvencionables:
-
Honorarios técnicos de redacción de proxecto e dirección de obra (máximo 6% da inversión subvencionable).
Gastos non subvencionables
Non se subvencionan:
-
Compra de terreos ou edificios.
-
Vehículos ou medios de transporte.
-
Gastos correntes da empresa.
-
Material non inventariable.
-
Menaxe de cociña ou habitacións.
-
Elementos decorativos.
-
Obras de mantemento ordinario.
-
Seguros ou taxas administrativas.
-
Gastos de conectividade.
-
Activos adquiridos mediante leasing ou renting.
Importe da subvención
-
Ata o 60% da inversión subvencionable.
-
Importe máximo da axuda: 60.000 € por beneficiario.
-
Investimento máximo subvencionable: 100.000 € (sen IVE).
A porcentaxe final depende da puntuación do proxecto:
| Puntuación | Porcentaxe axuda |
|---|---|
| 80 – 100 puntos | 60% |
| 60 – 79 puntos | 50% |
| 40 – 59 puntos | 40% |
Os proxectos con menos de 40 puntos non reciben subvención.
Orzamento da convocatoria
Orzamento total: 4,5 millóns de euros
Distribución:
-
3,5 millóns € para aloxamentos turísticos
-
1 millón € para establecementos de restauración
Prazo de solicitude
O prazo para presentar solicitudes é de 1 mes desde a publicación da convocatoria no DOG. A solicitude debe realizarse exclusivamente por vía electrónica a través da sede da Xunta de Galicia.
Prazo de xustificación
As actuacións deberán xustificarse antes do 3 de novembro de 2026.
Obrigas dos beneficiarios
Entre outras:
-
Manter a actividade subvencionada durante mínimo 3 anos.
-
Xustificar correctamente o investimento realizado.
-
Dar publicidade ao financiamento da Xunta de Galicia mediante cartel ou placa informativa.
✅ Se tes un hotel, casa rural, apartamento turístico ou restaurante en Galicia, esta liña de axudas pode financiar ata o 60% das inversións de modernización do teu establecemento.