O Concello de Cambados aprobou unha nova convocatoria de axudas destinadas a apoiar ás familias do municipio nos gastos de ensino e transporte escolar durante o curso 2026/2027.
O obxectivo desta convocatoria é contribuír a reducir o esforzo económico que supón a escolarización do alumnado e facilitar o acceso á formación en igualdade de oportunidades.
Quen pode solicitalas
Estas axudas están dirixidas ás unidades familiares empadroadas no municipio de Cambados que cumpran os requisitos económicos e administrativos establecidos nas bases da convocatoria.
Que gastos se subvencionan
A convocatoria inclúe dúas liñas de apoio:
- axudas para compra de material escolar
- axudas para transporte escolar
Contías máximas das axudas de ensino
Os importes máximos por alumno/a e curso son os seguintes:
- Primaria e Secundaria: ata 175 €
- Alumnado con necesidades educativas especiais: ata 225 €
- Bacharelato e Formación Profesional: ata 225 €
- Universidade, ensinanzas artísticas superiores e conservatorios: ata 300 €
Axudas de transporte
As axudas de transporte están previstas para alumnado de Bacharelato, Formación Profesional, Universidade, Ensinanzas Artísticas Superiores e Conservatorios.
Os importes máximos establécense segundo a distancia do centro educativo:
- centros da comarca do Salnés (agás Cambados): ata 50 €
- centros fóra da comarca e a menos de 30 km de Cambados: ata 75 €
- centros situados a máis de 30 km: ata 100 €
Criterios de valoración
A concesión realizarase en réxime de concorrencia competitiva.
Valorarase principalmente a renda per cápita familiar correspondente ao exercicio fiscal 2025. Tamén se terán en conta circunstancias adicionais como:
- situación de discapacidade igual ou superior ao 33 % dalgún membro da unidade familiar;
- situación de desemprego prolongado do pai, nai ou titor/a;
- gastos de aluguer de vivenda ou amortización de préstamo hipotecario.
As rendas per cápita superiores a 8.000 € non terán dereito á axuda de ensino, e as superiores a 6.000 € non poderán acceder á axuda de transporte.
Orzamento da convocatoria
O crédito total destinado a esta convocatoria ascende a 27.000 euros.
Compatibilidade
Estas axudas son compatibles con outras subvencións públicas para a mesma finalidade, sempre que non se supere o custo total da actividade subvencionada.
En que podemos axudarche en ASEC Asesores
En ASEC Asesores axudamos ás familias na preparación e presentación de solicitudes de axudas e subvencións.
Podemos encargarnos de:
- revisión de requisitos;
- comprobación da documentación;
- preparación e presentación da solicitude;
- seguimento do expediente.