O Concello de Cambados abriu o prazo para solicitar autorizacións para a instalación de postos de venda, food trucks, remolques, atraccións, barras exteriores e terrazas durante a LXXIV Festa do Albariño 2026. As solicitudes poderán presentarse desde o 15 de xuño ata o 24 de xullo de 2026.
Quen pode solicitar?
- Postos de alimentación e bebidas.
- Food trucks e venda desde vehículo.
- Postos comerciais e venda ambulante.
- Casetas, tómbolas e atraccións.
- Barras exteriores e terrazas anexas a establecementos hostaleiros.
Como se asignarán os espazos?
No caso de que o número de solicitudes supere os espazos dispoñibles, as autorizacións concederanse por orde de entrada no Rexistro do Concello, polo que se recomenda presentar a documentación canto antes, salvo nos postos do Paseo da Calzada no que requirirase aos interesados/as para a presentación dunha memoria da actividade, das instalacións e dos productos que se pretendan subministrar.
Onde presentar a solicitude?
As solicitudes poden presentarse:
- Presencialmente no Rexistro do Concello de Cambados (de 9:00 a 14:00 horas).
- A través da sede electrónica municipal.
Aspectos a ter en conta
- É obrigatorio achegar a documentación correspondente segundo o tipo de actividade.
- Deberá dispoñerse de seguro de responsabilidade civil cando sexa esixible.
- Nos postos de alimentación e bebidas está prohibida a venda e subministración de alcohois destilados.
Desde ASEC Asesores ofrecemos asesoramento e tramitación das solicitudes para postos, food trucks, barras e terrazas, así como revisión da documentación necesaria para participar na Festa do Albariño 2026. Contacta connosco para preparar a túa solicitude con antelación.