A Consellería de Política Social e Igualdade convoca as axudas do Bono Concilia Familia 2025 (código BS412A), dirixidas a familias residentes en Galicia con fillos e fillas nados entre 2012 e 2021, para apoiar a conciliación en situacións puntuais e durante os períodos de vacacións escolares.
Finalidade
Facilitar ás familias recursos para compatibilizar a vida laboral e persoal cando non poidan atender ás súas fillas/os por motivos de:
-
Doenza ou accidente da nena/o ou da persoa coidadora.
-
Asistencia da persoa coidadora habitual a entrevistas de traballo ou cursos de formación.
-
Situacións puntuais de carácter laboral ou de coidado de familiares.
-
Períodos de vacacións escolares (xaneiro, entroido, Semana Santa e verán 2025).
Gastos subvencionables
-
Contratación temporal de persoal do fogar.
-
Servizos de atención á infancia no domicilio.
-
Servizos de conciliación autorizados (ludotecas, espazos infantís, etc.).
-
Campamentos ou outros recursos colectivos de conciliación (agás a Campaña de Verán 2025 da Xunta).
Contías
-
Ata o 100 % do gasto para familias numerosas, monoparentais, acolledoras, con menores con discapacidade ou vítimas de violencia de xénero.
-
Ata o 75 % do gasto para o resto.
-
Límite de 500 € por familia en contratación de persoal/servizos no domicilio.
-
Límite de 200 € por menor en servizos de conciliación autorizados ou campamentos.
Orzamento e tramitación
-
Dotación total: 2,66 millóns de euros.
-
Concesión por orde de solicitude ata esgotar fondos.
-
Prazo de presentación: do 8 de setembro ao 8 de outubro de 2025
Como podo solicitalo?
Se estás interesado neste programa, ponte en contacto connosco no seguinte formulario.
