A Xunta de Galicia convoca para o ano 2026 un programa de axudas económicas dirixidas ás persoas titulares de autorizacións de taxi (VT-N) para a adquisición de:
-
Vehículos adaptados a persoas con mobilidade reducida (EUROTAXI)
-
Vehículos taxi de emisións CERO
-
Vehículos taxi ECO
O obxectivo destas axudas é mellorar a accesibilidade do servizo de taxi, avanzar cara a unha mobilidade máis sostible e reducir as emisións contaminantes, garantindo un transporte público de maior calidade, inclusivo e respectuoso co medio ambiente.
Contía das axudas
-
EUROTAXI: ata 10.000 € por vehículo
-
Taxi de emisións CERO: ata 4.000 € por vehículo
-
Taxi ECO: ata 1.000 € por vehículo
O orzamento total da convocatoria é de 500.000 €.
Persoas beneficiarias
Poden solicitar a axuda as persoas físicas titulares de autorizacións VT-N domiciliadas en Galicia, sempre que cumpran os requisitos establecidos e non obtiveran axudas análogas para a mesma autorización en convocatorias anteriores, segundo os límites fixados na orde.
Vehículos subvencionables
-
Só se subvencionan vehículos novos, non se admiten vehículos de segunda man nin adquiridos mediante renting.
-
Os vehículos CERO e ECO deberán contar coa clasificación oficial da DGT.
-
Os EUROTAXI deberán cumprir a normativa vixente de accesibilidade para persoas con discapacidade.
Prazo de presentación
As solicitudes poderán presentarse desde o sétimo día hábil tras a publicación da orde no DOG ata o 14 de outubro de 2026, exclusivamente por medios electrónicos a través da sede electrónica da Xunta de Galicia.
As axudas concédense por orde de entrada, ata o esgotamento do crédito dispoñible.
Tramitación e pagamento
-
O procedemento é de concorrencia non competitiva.
-
A resolución notifícase por vía electrónica.
-
O pagamento realizarase nun único aboamento, unha vez xustificada correctamente a compra do vehículo.
Como podo solicitalo?
Se estás interesado neste programa, ponte en contacto connosco no seguinte formulario.
