A Consellería de Medio Ambiente e Cambio Climático convoca axudas para fomentar a adopción responsable de cans e gatos abandonados procedentes de centros de recollida autorizados de Galicia. As axudas corresponden ao ano 2026 e tramítanse co código de procedemento MT811C.
Persoas beneficiarias
Poden solicitar a axuda as persoas físicas que adopten un can ou gato nun centro de recollida autorizado de Galicia, sempre que:
-
O animal sexa declarado apto para a adopción por un veterinario ou veterinaria.
-
Estea correctamente identificado e inscrito no Rexistro Galego de Identificación de Animais de Compañía (Regiac).
-
Se cumpran os requisitos recollidos na normativa vixente de protección animal.
Gastos subvencionables
Subvenciónanse os custos derivados de:
-
Identificación do animal (microchip).
-
Esterilización.
-
Desparasitación.
-
Vacinación.
Estes gastos deben estar debidamente xustificados mediante factura e comprobante de pagamento.
Contía das axudas
-
Ata 150 € por can adoptado.
-
Ata 125 € por gato adoptado.
-
Máximo de dous animais por persoa.
-
A axuda non poderá superar o custo real dos gastos subvencionables.
Período subvencionable
As adopcións deberán realizarse entre o 1 de outubro de 2025 e o 31 de agosto de 2026.
Prazo de solicitude
O prazo para presentar solicitudes estará aberto desde o día seguinte á publicación da orde no Diario Oficial de Galicia ata o 11 de setembro de 2026.
Presentación das solicitudes
As solicitudes presentaranse preferentemente de forma electrónica a través da sede electrónica da Xunta de Galicia, aínda que tamén é posible a presentación presencial nos rexistros habilitados.
Procedemento de concesión
-
As axudas concederanse por orde de entrada das solicitudes completas, ata esgotar o crédito dispoñible.
-
O réxime é de concorrencia non competitiva.
Orzamento
A convocatoria está dotada cun orzamento inicial de 25.000 €, ampliable segundo dispoñibilidade orzamentaria.
Compromisos das persoas beneficiarias
As persoas beneficiarias comprométense, entre outros aspectos, a:
-
Manter a titularidade do animal durante toda a súa vida, salvo causas xustificadas.
-
Cumprir coas obrigas legais en materia de protección e benestar animal.